من أشعار على سلامة ................. كيس البرتقال ...!!!!

كيس البرتقال ..


بقلم الشاعر : علي سلامه
ملقيتش في الشتا ونيس
غير كيس البرتقان
اخد منه و اقشر
و اضحك احسن ما كشر
و اكدب علي روحي و افشر
وصدق اني بقدر
افرح زي زمان
ولما خلص البرتقان
و راح من المكان الونس
قربت من التليفون
جايز يرن الجرس
لقيتني انا و روحي مش مرتاحين من بعض
قلت مش مشكلة
المرة الجاية بقي
اعمل حسابي في قفص
مليان برتقان


يا ترى كيس البرتقان كان بلدي ولا بصره